लोक देउबा
बौनिया, २७ जेठ
कैलालीको बर्दगोरीया गाउपालिकाले आर्थिक वर्ष २०७५ ०७६ को बार्षिक सार्वजनिक सुनुवाई गरेको छ ।

गाउपालिकाका अध्यक्ष बलिराम डगौरा थारुको सभापत्तित्वमा भएको कार्यक्रममा उपाध्यक्ष भगवती देवी डगौरा थारु, प्रमुख प्रशासकिय अधिकृत अर्जुन कार्की, ६ वटै वडाका वडा अध्यक्ष, कार्यपालिका सदस्य, बिभिन्न राजनीतिक दल, समाजसेवी, बिषयगत शाखा प्रमुख लगायत स्थानीयबासीको सहभागीता रहेको थियो ।

गाउपालिकामा रहेका योजना, शिक्षा, स्वास्थ्य, कृषि र पशु शाखाहरुले आफ्नो बार्षिक प्रगती बिवरण समेत प्रस्तुत गरेका थिए । कार्यक्रममा सेवाग्राहीको गुनासो, जिज्ञासा, प्रश्न सहितको अन्तरक्रियाको खुल्ला सत्र समेत संचालन गरीएको थियो ।

सहभागीहरुले गाउपालिकाको गौरवका योजना, विकासको गती, जनसहभागीता तथा पारदर्शीताका बिषयमा सरोकारवाला ब्यक्तिहरुलाई जिज्ञासा राखेका थिए भने सम्बन्धित ब्यक्तिहरुले जवाफ दिएका थिए । तर सतप्रतिशत चित्त बुझ्दो जवाफ नआएको, हतारमा कार्यक्रमको आयोजना गरेको तथा बिषयगत शाखाहरुले तयारी बिनै प्रगति बिवरण पेश गरेको सहभागीहरुले प्रतिक्रिया दिएका छन ।

बार्षिक प्रगती बिवरणक । कार्यक्रमका बिषयमा समन्वयको अभाव हुदा आफुहरुले तयारी गर्न नपाएकाले यस्तो अवस्था सृजना भएको बिषयगत शाखाहरुले बताएका छन । उनीहरुले भनेका छन. माग गरेका बिवरण दियौ तर कार्यक्रममा हामीले नै प्रस्तुत गर्नु पर्छ भन्ने थाहा थिएन । गाउपालिकाका अधिकृत कार्कीले पनि कमि कम्जोरी स्वीकार गर्दै आगामि दिनमा सुधार गर्दै जाने बताउनु भएको छ । साथै उहाले गाउपालिकाको चालु आर्थिक वर्षको आय ब्यय समेत प्रस्तुत गर्नु भएको थियो ।

चालु आर्थिक वर्षको गाउपालिकाकाको ३३ करोड २५ लाख बढी रकम मध्ये बैशाख मसान्त सम्म २५ करोड खर्च भएको जनाईएको छ । कतीपयले जनता र प्रतिनिधी बिचमा सवाल जवाफ सहितको कार्यक्रम गाउपालिकाले पहिलो पटक आयोजना गरेको भन्दै राम्रो कामको थालनी गरेको समेत बताएका छन ।