धनगढी, २३ जेठ / १६ औँ केन्द्रीयस्तरीय राष्ट्रपति रनिङ शिल्ड प्रतियोगिता २०८३ मा सुदूरपश्चिम प्रदेशले उत्कृष्ट प्रदर्शन गर्दै पदक तालिकाको दोस्रो स्थान हासिल गरेको छ।

प्रतियोगितामा सुदूरपश्चिमले १९ स्वर्ण, ९ रजत र १४ कांस्य पदकसहित कुल ४२ पदक जित्न सफल भएको हो। समग्र पदक तालिकामा बागमती प्रदेश २२ स्वर्ण, २१ रजत र १३ कांस्यसहित ५६ पदक जित्दै पहिलो स्थानमा रह्यो भने लुम्बिनी प्रदेश १२ स्वर्ण, १५ रजत र १८ कांस्यसहित ४५ पदक जितेर तेस्रो स्थानमा रह्यो।

प्रतिस्पर्धामा विभिन्न चुनौती, सीमित स्रोत–साधन र भौगोलिक कठिनाइका बाबजुद सुदूरपश्चिमका खेलाडीहरूले उच्च मनोबल र उत्कृष्ट क्षमता प्रदर्शन गर्दै प्रदेशलाई गौरवान्वित बनाएका छन्। खेलाडीहरूको मेहनत, प्रशिक्षकहरूको समर्पण तथा सम्बन्धित निकायहरूको सहयोगले यो सफलता सम्भव भएको खेलकुद परिषद्का सदस्य सचिव लोकबहादुर खड्का ‘रबि’ले बताए ।

यसले सुदूरपश्चिम प्रदेशको खेल क्षेत्रलाई अझ उजागर गरेको छ भने आगामी राष्ट्रिय तथा अन्तर्राष्ट्रिय प्रतियोगिताका लागि खेलाडीहरूलाई थप उत्साहित बनाएको छ।

सुदूरपश्चिम प्रदेशको यस ऐतिहासिक सफलताका लागि सम्पूर्ण खेलाडी, प्रशिक्षक, व्यवस्थापक तथा प्रत्यक्ष–अप्रत्यक्ष रूपमा सहयोग गर्ने सबैलाई प्रदेश खेलकुद परिषदका सदस्य सचिव खड्काले धन्यवाद ज्ञापन गरेका छन्।

खेल क्षेत्रको निरन्तर विकास र खेलाडीहरूको हौसला अभिवृद्धिका लागि राज्यले थप लगानी र प्रोत्साहन गर्नु आवश्यक रहेको भन्दै सदस्य सचिव खड्काले सम्बन्धी निकाय सबैको ध्यानाकर्षण गराएका छन्।

यस्तो छ पदक तालिका :-