धनगढी, २ चैत/भारतमा नेपालका रक्तदाता दीपक उपाध्याय सम्मानित भएका छन् । उत्तर प्रदेशको सोनभद्रमा आयोजित कार्यक्रममा प्रगति फाउण्डेशन ट्रस्टद्वारा प्रदान गरिने ‘वीर बिरसा मुन्डा अन्तर्राष्ट्रिय रक्तदाता सम्मान–२०२६’ बाट उपाध्याय सम्मानित भएका हुन् । एक कार्यक्रमकाबीच पत्रकारसमेत रहेका रक्तदाता उपाध्यायलाई सम्मान गरिएको हो । कार्यक्रमका प्रमुख अतिथि पूर्वविधायक हरिराम चेरोले थिए ।

रक्तदानको क्षेत्रमा उल्लेखनीय योगदान पुर्‍याएको भन्दै उपाध्यायलाई विशिष्ट आतिथ्यतासहित उक्त सम्मान प्रदान गरिएको हो । उनले हालसम्म ११२ पटक रक्तदान गरेका छन् ।

सम्मान कार्यक्रममा भारतका विभिन्न प्रदेशबाट सयौं रक्तदाताहरु उपस्थित भएका थिए । रक्तदानमार्फत समाजमा मानवीय सेवा र जीवनरक्षा अभियानलाई निरन्तरता दिएको भन्दै उपाध्यायको योगदानलाई अन्तर्राष्ट्रियस्तरमा समेत कदर गरिएको हो ।