बाजुरा–आइतवार राति भुकम्प आउने हल्ला चलेपछि स्थानिय रातभर जागाराम बसेका छन् । बाजुरा, हुम्ला, मुगु कालिकोट लगायतका बासिन्दा आइतवार रात भुकम्प आउने हल्ला चलेपछि घर बाहिर बसेका छन् ।ज्योतिशिले राति भुकम्प आउने भनेर हल्ला फैलाएपछि राति घर छोडेर बाहिर निस्केका कोल्टिमा कार्यरत पत्रकार सरु रोकायाले बडीमालिका खबरलाइ बताएकि छन् । बाजुराका बुढिनन्दा नगरपालिका, हिमाली, जगन्नाथ र स्वामीकार्तिक खापर गाउँपालिका बासिन्दा रातभर जागाराम बसेका रोकायाले वताईन् । काठमाडौ बसेकाले समेत घरमा भुकम्प आउने भन्दै फोन गरेको पाईएको छ ।

हुम्लामा पनि रातभर घरबाहिर चिसोमा आगो तापेर बसेका थिए । सोमबार बिहान १ बजेपछि भुकम्प आउने एकाएक हल्ला चलेको थियो । हल्ला चलेपछि सबै घर बाट निस्केर बाहिर बसेका छन् । चिसोमा घर बाहिर खुला चौरमा आगो तापेर बसेका थिए । भुकम्प मापन केन्द्रका प्रमुख भरत कोइरालाले शंशारमा भुकम्पको भविष्यबाणी गर्ने कुनै प्रविधि नै नभएको बताएका छन् । हुम्ला, मुगु र बाजुरा जिल्लामा ठूलो भुकम्प जान्छ भन्ने हल्लाले रातभर स्थानीय नागरिक बाहिर बसेका थिए ।