धनगढी, १४ फागुन/नेपाली काँग्रेस कैलालीको फागुन १५ गते जिल्लाको नयाँ नेतृत्व चयनका लागि निर्वाचनको शनिबार (आज) मनोनयन दर्ता हुने भएको छ । निर्वाचन समितिले आफ्नो निर्वाचन कार्यतालिका समेत प्रकाशित गरी प्रकेया अघाडी बढाएको छ । पटक–पटक निर्वाचनको मिति सर्दै आएको कैलाली अधिबेशन निर्वाचनको अन्तिम संघारमा आईपुगेको छ ।

को को छन् उम्मेदबारी

जिल्ला नेतृत्वका लागि आकांक्षी देखिएका नेताहरु दौडधुपमै व्यस्त छन्। संस्थापन पक्षबाट जिल्ला सभापतिका लागि वर्तमान पूर्वउपसभापति नारायणदत्त भट्ट, उपसभापति प्रकाशबहादुर बम, भीम बडुवाल, खेम चौधरीको नाम चर्चामा रहेको छ ।कैलाली सभापतिका लागि संस्थापन इतर भन्दा पनि संस्थापन पक्षमा इगोको लडाई सुरु भएको छ। यस्तै संस्थापन इतरबाट नेता रामबहादुर कलेलको नाम टुङ्गो लागेको छ । नारायणदत्त भट्ट समूहले संस्थापनको आधिकारिक टिम आफ्नो भएको दाबी गरेको छ। कैलालीमा रहेका सबै केन्द्रीय सदस्यहरुले पनि भट्टलाई साथ दिने बताईरहेका छन्।

यता काँग्रेस सुदूरपश्चिम प्रदेश महामन्त्री नर नारायण शाह मनु भने नेता प्रकाश बमको पक्षमा खुलेर प्रचारमा लागेका छन्। शाह जिल्ला सभापतिको उम्मेदवार हुँदा भट्टले लगातार असहयोग गरेका कारण उनी भट्टलाई कुनै पनि अवस्थामा साथ नदिने पक्षमा छन् । बमको प्यानलबाट जिल्ला सचिवमा नृप सुनारले उम्मेदवारी दिने बताएका छन् । यता जिल्ला सभापतिका अर्का उम्मेदवार भीम बडुवालले पनि शेरबहादुर देउवाले सहयोगको बचन दिएको दाबी गरेका छन्।

‘पटकपटक सभापतिबाट सहयोगको आश्वासन पाएको छु,’ बडुवालले भने, ‘कार्यकर्ताको साथले पहिलो चरणमै जित्ने विश्वास छ।’ संस्थापन इतर पक्षले भने रामबहादुर कलेललाई उम्मेदवार बनाउने भएको छ । भट्ट प्यानलबाट सचिवमा केशव मिश्र र अमृत विसी को दावी रहेको छ भने बम प्यानलबाट भने नृप सुनार र कृष्ण पाण्डेको दावी छ। यता जिल्ला सभापतिका अर्का उम्मेदवार भीम बडुवालले पनि शेरबहादुर देउवाले सहयोगको बचन दिएको दाबी गरेका छन्। ‘पटकपटक सभापतिबाट सहयोगको आश्वासन पाएको छु,’ बडुवालले भने, ‘कार्यकर्ताको साथले पहिलो चरणमै जित्ने विश्वास छ।’ यस्तै चुनावी सरगर्मी बढ्दै जाँदा काँग्रेस कैलालीभित्र विभिन्न चर्चा चल्न थालेको छ ।

यस्तो निर्वाचन कार्यतालिका