धनगढी, २४ पुस/नेपाली काँग्रेसका केन्द्रीय सदस्य एपी साउदले बन जोगाउन सबैले जुर्मुराउनु पर्ने अबस्था आएको छ । अहिले सबै भन्दा बढी वन क्षेत्र नै अतिक्रमण हुन लागेको बताउदै नेता साउदले वन जोगाउन अब सिट्टी फुकेर नै डट्न आग्रह गरेका छन् ।
प्रजातान्त्रीक वन प्राबिधिक संघको सुदूरपश्चिम प्रदेश समितिले धनगढीमा आयोजना गरेको प्रदेश भेलाको उद्घाटन गर्दै नेता साँउदले सो कुरा बताएका हुन् । अहिले कागजको नक्सामा देखिने वन क्षेत्रमा अहिले बस्ती भईसकेकोले यसलाई बैज्ञानिक तरिकाले रिम्यापिङ्ग गर्नुपर्ने अबस्था आएको नेता साउदले बताए ।
मानव र वाताबरणको निकै महत्वपुर्ण सम्बन्ध भएकोले यसलाई जोगाउन सबैले लाग्नुपर्ने बताउदै नेता साँउदले यो सन्देश जनस्तरमै पुगाउनुपर्ने बताए ।वन जोगाउन वन क्षेत्रमै लागेको कार्मचारीहरुको काँधमा भएको जिम्मेबारी पुर्वक भएर काम गर्न समेत नेता साँउदले अनुरोध गरेका छन् ।
