यी हुन बिदाको दिन पारेर एटिएमबाट करोडौं चोरी गर्ने चिनियाँ 

नेपाली एटीएमबाट रकम चोरी गर्ने ५ जना चिनियाँलाई प्रहरीले सार्वजनिक गरेको छ । आइतबार एक पत्रकार सम्मेलन गरी उनीहरुलाई प्रहरीले सार्वजनिक गरेको हो । उनीहरुलाई प्ररहले मध्यरातमा दरबारमार्गस्थित नबिल बैंकको एटिएमबाट पक्राउ गरेको हो । पक्राउ पर्नेमा ३५ वर्षका चेन विन विन, ३२ वर्षका झु लियाङ आङ, ३० वर्षका क्यु याङयिङ, ४० वर्षका लु जियालिङ, २९ वर्षका लिन जिनमिङ रहेका छन् ।

चिनियाँ ह्याकरले यसरी निकाले नेपाली बैंकबाट पैसा

नेपालका तीनवटा वाणिज्य बैंकहरुबाट चिनियाँ ह्याकरले एक करोड ६८ लाख ५४ हजार ७ सय २० रुपैयाँ पैसा निकालेको राष्ट्र बैंकले जनाएको छ । राष्ट्र बैंकका अनुसार प्रभु बैंक, नबिल बैंक र हिमालयन बैंकको एटिएमबाट सो रकम निकालिएको हो ।

प्रधानमन्त्रीको उपचार बुधबार सकिने, कस्तो छ स्वास्थ्य अवस्था

विगत एकसातादेखि स्वास्थ्य उपचारका क्रममा सिंगापुरमा रहेका प्रधानमन्त्री ओलीको उपचार प्रक्रिया बुधबारसम्म जारी रहने भएको छ । प्रधानमन्त्री ओलीका प्रेस सल्लाहकार कुन्दन अर्यालका अनुसार सोमबार छैटौं र बुधबार सातौं चरणको प्रक्रिया सम्पन्न भएपछि प्रधानमन्त्रीको स्वास्थ उपचार सकिने छ ।

खेलकुद विकास समिति मुगुका तत्कालीन अध्यक्ष रावल विरुद्ध भ्रष्टाचार मुद्दा

अख्तियार दुरुपयोग अनुसन्धान आयोगले जिल्ला खेलकुद विकास समिति मुगुका तत्कालीन अध्यक्ष लालबहादुर रावत र कोषाध्यक्ष हस्त बहादुर शाहीसमेत ४ जना विरुद्ध भ्रष्टाचार मुद्दा दायर गरेको छ । खेल मैदान निर्माण गर्दा १ लाख २० हजार रुपैयाँ अनियमितता गरेको पुष्टी हुन आएको जनाउँदै अख्तियारले आइतबार उनीहरू विरुद्ध विशेष अदालत काठमाडौंमा मुद्दा दायर गरेको हो ।

मिडिया काउन्सिल विधेयकमाथि काङ्ग्रेसको संशोधन प्रस्ताव दर्ता

प्रमुख प्रतिपक्षी दल नेपाली काङ्ग्रेसले राष्ट्रियसभामा प्रस्तुत भएको नेपाल मिडिया काउन्सिल विधेयकमाथि १९ बुँदासहितको संशोधन प्रस्ताव दर्ता गरेको छ । राष्ट्रियसभामा काङ्ग्रेसबाट प्रतिनिधित्व गर्ने सांसदहरु सरिता प्रसाईं, जितेन्द्रनारायण देव, धनकुमारी खतिवडा, अनिता देवकोटा र प्रकाश पन्थले आज पार्टीका तर्फबाट सो संशोधन प्रस्ताव दर्ता गराएका हुन् ।

गाई प्रकरण ः उप महानगरपालिकाले गठन गर्यो छानविन समिति

यहाँको काञ्जीहाउसबाट छाडा पशु चौपाया दैलेख लैजानेक्रममा सुर्खेतको जङ्गलमा मृत भेटिएका विषयमा नेपालगञ्ज उपमहानगरपालिकाले छानविन समिति गठन गरेको छ । कार्यवाहक प्रमुख उमा थापामगरको अध्यक्षतामा बसेको नगर कार्यपालिकाको बैठकले उक्त घटनाका सम्बन्धमा स्थलगत अध्ययन गरी सत्यतथ्य सार्वजनिक गर्न उच्च अदालत बार एशोसिएसनका अध्यक्ष अधिवक्ता विकास आचार्यको अध्यक्षतामा छानविन समिति गठन गरेको छ

 फिलिपिन्समा विमान दुर्घटना, विमानमा सवार सबैको मृत्यु 

फिलिपिन्समा एउटा सानो विमान ९एयर एम्बुलेन्स० दुर्घटनामा परी कम्तीमा सात जनाको निधन भएको अधिकारीहरूले बताएका छन् । आइतबार फिलिपिन्सको पर्यटकीय क्षेत्रमा भएको विमान दुर्घटनाका कारण निस्केको आगोको मुस्लोका कारण सयौँ स्थानीय भागाभाग भएको भिडियो स्थानीय सञ्चारमाध्यम हुँदै सामाजिक सञ्जालमा देखाएका छन् ।

नेयमारलाई बार्सिलोना फर्काउन असम्भव

नेयमारलाई बार्सिलोना फर्काउने प्रयास लगभग असम्भव हुने देखिएको छ । ट्रान्सफर विन्डो बन्द हुन एकदिन मात्र बाँकी रहँदा बार्सिलोनाले नेयमारलाई फर्काउन असम्भव रहेको जस्तै रहेको जनाएको छ । नेयमारको लागि बार्सिलोना र पिएसजीको वार्ता चलिरहेको भनिए पनि पिएसजीले बढि माग राखेको कारण सम्झौता हुन असम्भव देखिएको बताइएको छ । नेयमार २०१७ मा बार्सिलोनाबाट किर्तिमानी रकममा पिएसजीमा अनुबन्धित भएका थिए ।

स्टाटस लेख्दै पलले खुलासा गरे आँचलसँगको सम्बन्ध

सामाजिक सञ्जालमा अभिनेत्री आाचल शर्मा र अभिनेता पह शाहको विषयमा धेरै समाचारहरु आउने गरेको छ । विशेषत उनीहरु एक अर्कामा प्रेममा रहेको भन्ने खबरहरु चलचित्र क्षेत्रमा निकै चासोको विषय हो । तर यो विषयमा पहिलो पटक पल साहले आफनो फेसबुकमा स्टटस लेख्दै आफ्नो आँचलको सम्बध बारे गलत अर्थ लगाएको भनेका छन् ।