कुमारी लक्ष्मी बम

धनगढी । धनगढी उप–महानगरपालिकाको दिर्घ कालिन शहरी विकास योजना निर्माणका लागि तयार गरिएको मस्यौदामा बुधवार छलफल भएको छ । पच्चीस बर्षिय दिर्घकालिन शहरी विकास योजना निर्माण गरिरहेको धनगढीले सरोकारवालाहरु संग छलफल गरेको छ । छलफलमा जिल्लाका राजनितिकदलका प्रतिनिधी, पूर्व नगरप्रमुखहरु,नागरिक समाजका प्रतिनिधी, जनप्रतिनिधी, पत्रकार लगायतको उपस्थीति रहेको छ ।

धनगढी उप–महानगरपालिकाका प्रमुख नृपबहादुर वडले बिगत र अहिलेको अबस्थालाई बिश्लेषण गरेर दिर्घकालिन दिर्घकालिन शहरी विकास योजना निर्माण गरिन लागेको बताए । हामी पच्चीस बर्षको परिकल्पना गरेर दिर्घकालिन योजना निर्माण गर्दैछौं नगरप्रमुख वडले भने,त्यसैले हामीले कल्पेको धनगढी कस्तो हो सबैको सुझाव आवश्यक छ । अहिले बनाउने दिर्घकालिन योजना संग धनगढी शहर र नगरबासीको भविष्य जोडिने छ नगरप्रमुख वडले भने,त्यसैले समस्यौदामा छुटेका कुराहरु सुझावका रुपमा दिन सबै नगरबासी संग आग्रह गर्दछु ।

धनगढीलाई ब्यबस्थीत, सुन्दर र समुन्नत शहर बनाउनका लागि सरोकारवलाहरुलाई बिभिन्न समुहमा बिभाजन गरेर सुझाव संकलन गर्ने काम भैरहेको धनगढी उप–महानगरपालिकाका पूर्व नगरप्रमुख खेमराज पाण्डेले बताए । उनले अहिले बनाएको योजनाले दिर्घकालिन असर पार्ने भएकाले पूर्वाग्रह त्यागेर सबैले सुझाव दिनुपर्ने बताए ।

नगर भीत्र नगरबसपार्क, खुल्ला क्षेत्र, पार्क, आकाशेपुल क्षेत्र,एकिकृत फोहर ब्यबस्थापन केन्द्र, तरकारी बजार, मनोरञ्जन स्थल, कवडहल, पार्किङ्ग क्षेत्र, बिमानस्थल, पर्यटक सूचना केन्द्र लगायतका क्षेत्रहरु समेत छुट्याईने छ । क्षेत्रीय शहरी विकास आयोजना कार्यालय धनगढीका आयोजना प्रमुख सुरेश बाग्लेले धनगढी नगरका समस्या, चुनौती र सम्भावनाहरुको बिश्लोषण गरेर दिर्घकालिन शहरी विकास योजना निर्माण भैरहेको बताए ।

सुदूरपश्चिम प्रदेशको एक मात्रै उप–महानगरपालिका हो । धनगढी निकट महानगरपालिकामा परिक्षण हुने पक्का जस्तै भएकाले पनि त्यो सोच राखेर दिर्घकालिन शहरी विकास योजना तयार गरिनुपर्ने धारणा सहभागिहरुले राखेका छन् । मस्यौदा माथी सरोकारवालाहरुले राखेका सुझावहरुलाई ग्रहण गरेर दिर्घकालिन शहरी विकास योजनामा समेटिने धनगढी उप–महानगरपालिकाका प्रमुख प्रशासकिय अधिकृत नारायण प्रशाद सापकोटाले बताए । यो छलफल अन्तीम होईन प्रमुख प्रशाकिय सापकोटाले भने, कोर समुहमा फेरीपनि छलफल गरेर सुझाव लिन सकिन्छ ।