सुनसरी ६ ,असार । सुनसरीको बराहक्षेत्र नगरपालिका-१ को बाघखोलाले टेम्पो बगाउँदा १ जनाको मत्यु भएको छ।

आइतबार साँझ पौने ८ बजेको समयमा चतराबाट धरानतर्फ आउँदै गरेको को २ ह ८९८५ नम्बरको टेम्पोलाई अचानक बाघखोलाले बगाउँदा टेम्पोमा सवार बराहक्षेत्र नगरपालिका-१ की १७ बर्षीया स्टिफिना राई र चालक धरान-१७ का २२ बर्षीय राजु राई बेपत्ता भएका थिए।

टेम्पोलाई खोलाले बगाएर बेपत्ता भएको भन्ने खबर प्राप्त भएसँगै तत्काल ईलाका प्रहरी कार्यालय चतराबाट खटिएको प्रहरी टोलीले खोजतलास गर्ने क्रममा चालकलाई सामान्य घाइते अवस्थामा उद्धार गरेको तथा स्टिफिना राईलाई मृत अवस्थामा फेला पारेको थियो।