धनगढी, ४ कार्तिक/नेपाली कांग्रेस बझाङले प्रधामन्त्री शेरबहादुर देउवालाई बाढीपहिरो पिडितको उचित व्यबस्थापन र क्षतिपुर्तिको माग राख्दै ज्ञापन पत्र बुझाएको छ ।बझाङ काँग्रेसको तर्फबाट नेपाली कांग्रेसका महाअधिवेशन प्रतिनिधी चेतराज बजालले जिल्लामा ९ जनाको मृत्यु भएको र २१ जना बेपत्ता रहेकाले उनिहरुको खोजिकर्य र पिडित पक्षलाई राहातको ब्यवस्थापन गर्नुपर्ने माग राख्दै ज्ञापन पत्र बुझाएका हुन् । घरविहिन भएकाहरुलाई घरनिर्माण तथा पुर्नबासको ब्यवस्था गर्नुपर्ने, जयपृथ्वी राजमार्ग, पुल जलविधुत, खानेपानी छिटाछरितो मर्मत तथा संचालन गर्नुपर्ने लगाएतको ६ बुदे माग पत्र बुझाएको छ ।

उक्त मागपत्रको बारेमा प्रधानमन्त्री शेरबहादुर देउवाले बझाङमा भएको दुखद घटना प्रति दुख ब्यक्त गर्दै सरकारले उद्धार,राहात र बजेट ब्यवस्थापनका कार्यक्रमलाई सरकार अगाडी बढाउने बताएका थिए ।थलारा गाउँपालिका – ४ डिख्लामा प्रधानमन्त्री देउवाले बाढी पहिरोको क्षतिको विरण बुझ्न जाने कार्यक्रम तालिका रहेको भए पनि सुदुरपश्चिमका बिभिन्न जिल्लामा पुगेर निरक्षण गनु पर्ने भएकाले बाढीपहिरो क्षेत्रको स्थलगत अवलोकन गर्दै प्रधानमन्त्री शेरबहादुर देउवा बझाङको थलारामा पुग्दा हेलिकोप्टर अवतरण हुन नसक्दा हेलिकोप्टरबाटै अवलोकन गरेर फर्केका छन् ।

बझाङ जिल्लाको सबै भन्दा बढी मानविय क्षेती भएको तथा अति प्रभावित क्षेत्र थलारामा हेलिकप्टर अवतरण हुन नसकेपछि सदमुकाम स्थित सेनाको व्यारेकामै अबतरण भएको थियो । प्रधामन्त्री देउवाले बझाङ स्थित सेनाकै हलमा जिल्ला स्तरका प्रसाशन, सुरक्षा निकाय र जिल्लाका प्रमुख व्यक्ती संग जिल्लाको रिपोट लिएका छन् । उक्त टोलिमा अर्थमन्त्री जर्नादन शर्मा, संस्कृती, पर्यटन तथा उड्यन मन्त्री प्रेम आले, नेपाली काँग्रेसका केन्द्रिय सदस्य एनपी साउँद,बिरबहादुर बलायर लगाएतको टोली बझाङ पुगेको थियो । टोलीले हेलिकोप्टर मार्फत सदरमुकाम चैनपुर आसपासका क्षेत्र र थलारा,खप्तडछान्नामा अवलोकन गरेको छ ।