धनगढी, ११ असोज/कांग्रेस संसदीय दलका नेता डाक्टर रणबहादुर रावलले सुदूरपश्चिममा आफ्नो पार्टी अब प्रतिपक्षीमै रहने बताएका छन् । संघमा गठबन्धन सरकार बनेका बेला प्रदेशमा पनि सोहीअनुसारको समीकरण हुने भन्ने चर्चा चलिरहदा रावलले आफ्नो अनुकुलता खोज्ने गठबन्धन आवश्यक नभएको बताउँदै कांग्रेस प्रमुख प्रतिपक्षी दलकै भूमिकामा रहने प्रष्ट पारेका हुन् ।

‘अहिलेको सरकार आफू सुहाउँदो गठबन्धन बनाउन चाहिरहेको देखिएको छ । यस्तो गठबन्धन हामीलाई चाहिदैन्,’ रावलले भने, ‘हामीसँगै कुनै सरसल्लाह पनि गरेको देखिदैन् । त्यसैले हामी प्रतिपक्षमै रहन्छौँ ।’ सरकारमा सहभागि दलहरुमा सत्ताको दम्भ बढेको दाबी गर्दै रावलले भूमिकाअनुसार कांग्रेस अगाडि बढ्ने जनाए ।

मुख्यमन्त्रीले विश्वासको मत लिने बेला तटस्थ बसेर सहयोग गरेको भएपनि अब भने सरकारको व्यवहारका आधारमा आफ्नो भूमिका देखाउने उनी बताउँछन । संसदीय दलका नेता रावलले यस्तो बताएपनि अर्का प्रदेशसभा सदस्य भरतबहादुर खड्काले भने कांग्रेस निर्णय लिन हतार नगर्ने बताए ।

‘हामी अहिले प्रमुख प्रतिपक्षी दलकै भूमिका छौँ । सरकारमा सहभागी हुन हतार गर्दैनौँ,’ खड्काले भने, ‘गठबन्धनको केन्द्रीय नेतृत्वले लिने निर्णयका आधारमा अगाडि बढ्छौँ ।’ माओवादी केन्द्रको नेतृत्वमा रहेको सुदूरपश्चिम सरकारलाई अहिले एकीकृत समाजवादी पार्टीले समर्थन दिएको छ । समाजवादी पार्टीका सांसदहरु समेत कांग्रेससँग गठबन्धन भएपनि समाजवादीकै समर्थन सरकार सुरक्षित रहेकाले उसलाई सरकारमा सहभागि नगराउने बताउँदै आएका छन् ।

गत जेठमा मुख्यमन्त्री त्रिलोचन भट्टले बिश्वसको मतलिदा तठस्त बसेर सहयोग गरेको काँग्रेस सरकारमा सहभागि हुने चर्चा चलेको थियो । तर, हाल केन्द्रमा गठबन्धन भएका बेला समेत सुदूरपश्चिम प्रदेशमा काँग्रेस प्रतिपक्षीमै बसेको छ । दुई महिना पछि बसेको सुदूरपश्चिम प्रदेश सभामा सोमबार काँग्रेस संगै नेकपा एमाले, जसपा र लोसपा प्रतिपक्षीको बेन्चमा बसेका थिए । माओवादी नेतृत्वको प्रदेश सरकारलाई एमोले बिभाजन पछि गठित एकिकृत समाजबादी पार्टीले सर्मथन दिएर टिकाई राखेको छ ।