धनगढी, १६ जेठ/नेपाली काँग्रेस सुदूरपश्चिम संसदीय दलले प्रदेश सरकार जोगाउन मन्त्रीमण्डाल पुर्नगठन गरेको बताएका छन् । नेपाली काँग्रेस सुदूरपश्चिम संसदीय दलको आईतबार बसेको बैठकको निर्णय सुनाउदै संसदीय दलका नेता डा. रणबहादुर रावलले सो कुरा बताएका हुन् ।

प्रदेश सरकारले संबिधान भन्दा बाहिर गएर आफ्नो सरकार सुरक्षीत राख्न मन्त्रीमण्डल बिस्तार गरेको आरोप लगाउदै काँग्रेस संसदीय दलका नेता रावलले कोरोना महामारीमा जनताको काम गर्नुको साटो सत्ता टिकाउन खेलमा लागिपरेको आरोप लगाए ।कोरोना महामारी नियन्त्रणमा उदासिन बनेको प्रदेश सरकार सत्ता जोगाउन तर्फ मात्रै लागिरहेको रावलले बताए । अहिले प्रदेशका आमा नागरिक अक्सिजन अभावमा तड्पिरहे पनि सरकारको ध्यान भने आफ्नै कुर्चीतर्फ मात्रै गएको आरोप उनको छ । तीन वर्ष फुर्सदमै विताएको प्रदेश सरकारले महामारी नियन्त्रण गर्नका लागि अस्पतालमा वेडको समेत व्यवस्था गर्न नसकेको काँग्रेस संसदीय दलले आरोप लगाएको छ ।

सुदूरपश्चिम प्रदेश संसदीय दलको बैठकले ज्यालादारी गरेर खाने वर्ग निषेधाज्ञाका कारण प्रभावित भएको कारण तत्काल राहतका प्याकेज ल्याउन प्रदेश सरकारसँग माग गर्ने निर्णय समेत गरेको छ ।काँग्रेस संसदीय दलका नेता डा.रणबहादुर रावलले सरकारले अहिले सम्म मजदुरका लागि राहत प्याकेज नल्याएकाले तत्काल सरकारको ध्यानाकर्षण गराउने निर्णय भएको जानकारी दिए ।

उनले अगामी वर्षको नीति तथा कार्यक्रम र बजेट कोरोना भाइरसको रोकथाम तथा नियन्त्रण, सन्तुलित एवंम् समयानुकुल ल्याउन समेत सरकारलाई सुझाव दिइने बताए । सरकारले आर्थिक वर्षको अन्त्यमा आएर जथाभावी योजना वितरण गर्ने काम गरेकोप्रति समेत काँग्रेसको गम्भीर ध्यानाकर्षण भएको जनाए ।

अन्तिम समयमा आएर अख्तियारी दिने काम रोक्नुपर्ने, सर्वदलीय अनुगमन षडयन्त्र खडा गर्ने, सीमा नाकामा होल्डीङ सेन्टर स्थापना गर्न, भ्रष्टाचार रोक्ने विषयमा समेत मुख्यमन्त्रीलाई भेटेरै सुझाव दिइने बताए ।